Recourse

Асабістая бяспека · альфа для Android

Зацісніце кнопку. Запіс ужо не адабраць.

Recourse пачынае здымаць, як толькі вы заціснулі кнопку гучнасці. Відэа шыфруецца на тэлефоне і пакідае яго кожныя паўсекунды. Калі не скасаваць сваім PIN-кодам, блізкія атрымаюць трывогу: дзе вы і што адбываецца.

Спампаваць для Android Як гэта працуе

Альфа-версія. Бясплатна. Усталёўваецца з файла APK.

Што адбываецца ў першую хвіліну

  1. 0:00

    Вы заціскаеце кнопку гучнасці

    Працуе на заблакаваным тэлефоне. Не трэба яго разблакоўваць, шукаць праграму і нават глядзець на экран.

  2. 0:00.5

    Першы кавалак ужо пайшоў

    Відэа шыфруецца на тэлефоне і адпраўляецца кавалкамі па паўсекунды. Калі тэлефон адбяруць або разаб'юць, іх гэта не верне, а сам тэлефон выдаліць іх не можа.

  3. 0:01 – 1:00

    У вас хвіліна на скасаванне

    Памылковая трывога? Увядзіце PIN скасавання, і трывогу ніхто не атрымае: сведкі ўбачаць толькі, што запіс запускаўся і быў скасаваны. Працягласць гэтага акна выбіраеце вы, ад 30 да 120 секунд.

  4. 1:00

    Сведкі атрымліваюць трывогу

    Яны бачаць, дзе вы, і могуць паглядзець запіс. А тэлефон сам адправіць СМС з вашым месцам на выбраныя вамі нумары — нават без інтэрнэту.

Калі вас прымушаюць гэта выключыць

Трывогу скасоўвае толькі ваш PIN. Любы іншы PIN пакажа тое самае паведамленне «Запіс скасаваны» і адразу адправіць трывогу.

Вы ўводзіцеНа экранеШто адбываецца насамрэч
Свой PINЗапіс скасаваныТрывогі няма. Сведкі бачаць толькі «запускаўся і скасаваны» і месца.
Любы іншы PINЗапіс скасаваныТрывога ідзе адразу. Запіс працягваецца.
НічогаАдлікТрывога ідзе, калі час выйдзе.

Мы не можам паглядзець вашы запісы. Мы не ведаем, хто вашы сведкі.

Recourse зроблены так, каб нам не было чаго выдаць, нават калі нас прымусяць.

Чаго сервер не можа

  • Паглядзець запіс. Відэа шыфруецца на вашым тэлефоне, адкрыць яго могуць толькі тыя, каго выбралі вы.
  • Даведацца, хто вашы сведкі. Гэты спіс захоўваецца толькі на вашых тэлефонах.
  • Даведацца, каму адрасавана трывога. Трывогі — запячатаныя канверты ў адной агульнай стужцы, якую спампоўвае кожны тэлефон; адкрыць свой можа толькі патрэбны.
  • Звязаць сведку з вамі па сеткавым адрасе. Сведкі звяртаюцца да сервера праз рэтранслятар, які хавае, адкуль прыйшоў запыт.

Што ў сервера ёсць

  • Ваш адрас электроннай пошты: каб адпраўляць запісы, патрэбны ўліковы запіс.
  • Зашыфраваныя файлы і час, калі яны прыйшлі.

Сведкі — людзі, якіх вы выбралі загадзя

  • Вы запрашаеце іх спасылкай або QR-кодам пры сустрэчы. Без вашага запрашэння ніхто не стане вашым сведкам.
  • Вы абое звяраеце шасцізначны код, каб замест вашага сябра не падключыўся старонні.
  • Сведку патрэбна толькі праграма: ні ўліковага запісу, ні нумара тэлефона, ні пошты.
  • Сведку можна ціха прыбраць. Нікому пра гэта не паведамяць.

Зроблена так, каб запіс мог стаць доказам

Відэа дапамагае, толькі калі можна паказаць, што яно сапраўднае.

Падпісана тэлефонам

Кожны кавалак падпісаны ключом, які захоўваецца ў абароненым чыпе тэлефона. Скапіяваць ключ адтуль нельга.

Звязана ў ланцужок

Кожны кавалак спасылаецца на папярэдні. Зніклы або зменены кавалак рве ланцужок, і гэта відаць.

Незалежныя адзнакі часу

Публічныя службы часу і блокчэйн біткойна пацвярджаюць, што запіс існаваў не пазней за гэты момант і з таго часу не мяняўся.

Recourse не дае юрыдычных парад. Ці прыме суд запіс, вырашае суд, а законы пра здымку людзей у розных краінах розныя.

Як ідуць справы: гэта альфа-версія

Працуе цяпер

  • Android 8 і навейшыя.
  • Запіс, акно скасавання з PIN-кодам, сведкі, трывога, СМС.
  • 14 моў.

У рабоце

  • Версія для iPhone.
  • Імгненная трывога, калі тэлефон сведкі ўсыпіў праграму. Пакуль такая трывога можа ісці да 15 хвілін; СМС прыходзіць адразу.
  • Незалежны аператар рэтранслятара. На час альфы ён наш уласны.

Не замяняе экстранныя службы

Recourse не выклікае міліцыю і хуткую. Калі вы ў небяспецы, тэлефануйце па мясцовым нумары экстраннай дапамогі.

Спампаваць Recourse

Пакуль Recourse у альфе, праграма для Android распаўсюджваецца файлам APK з гэтага сайта. Далей праграма сама прапануе абнаўленні.

Спампаваць
  1. Адкрыйце спампаваны файл і дазвольце ўсталяванне праграм з гэтай крыніцы.
  2. Прайдзіце наладу: дазволы, PIN скасавання, сведкі.
  3. Зрабіце пробны запіс і скасуйце яго сваім PIN-кодам. Гэта зойме хвіліну.
  4. Вас запрасілі сведкам? Усталюйце гэтую ж праграму і адкрыйце спасылку-запрашэнне.

Пытанні

А калі няма інтэрнэту?

Запіс застаецца на тэлефоне і адпраўляецца, як толькі з'явіцца сувязь. СМС з вашым месцам ідзе па сотавай сетцы, таму пойдзе і без інтэрнэту.

Ці магу я выдаліць свой запіс?

Не, і гэта зроблена наўмысна: тады яго не выдаліць і той, у каго апынецца ваш тэлефон. Запіс можа прыбраць сведка, калі пераканаецца, што з вамі ўсё добра.

Гэта платна?

Пакуль ідзе альфа — не.

Ці законна весці запіс?

Законы пра здымку людзей у розных краінах і сітуацыях розныя. Удакладніце правілы там, дзе вы жывяце.